Sa kasalukuyang kalagayan ngayong Biyernes Santo, patuloy ang pagdating ng mga turista at lokal na bisita sa Ilog ng Tiboy, isa sa mga natural attractions ng Barangay Baco, Oriental Mindoro.
Marami ang nagtutungo sa ilog upang magpahinga, magrelaks, at magnilay sa gitna ng kalikasan bilang bahagi ng kanilang paggunita sa Semana Santa.
Ipinapaalala naman ng lokal na pamahalaan ang responsableng pamamasyal upang mapanatili ang kaayusan at kalinisan ng lugar.
Samantala, nakabantay ang mga opisyal at volunteers sa lugar bilang bahagi ng patuloy na monitoring para matiyak ang kaligtasan at seguridad ng mga bisita. Inaasahan pa ang mas marami pang dadayo sa ilog sa mga susunod na oras.
