SINIMULAN na ng 85th Infantry Battalion (IB) ang kanilang information campaign sa mga mag-aaral sa high school at colleges.
Unang pinuntahan at pinulong ng mga kasundaluhan ng Alpha Company 85IB ang mga mag-aaral ng Macalelon National High School.
Hangarin nito na makapagbigay ng tamang edukasyon at impormasyon sa mga kabataang mag-aaral upang sila ay makaiwas sa anumang banta ng paghihikayat o pagre-recruit ng mga makakaliwang grupo.
Dagdag pa dito, binigyang diin ni LtCol. Joel R. Jonson Battalion Commander ng 85IB na sa murang kaisipan ng mga kabataan ay madali silang malinlang at mapaniwala sa mga kasinungalingan ng mga teroristang grupo kaya upang hindi mabiktima ay ginawa nila ang nasabing kampanya.
Matatandaang kamakailan ay nakipag-usap si Jonson sa Schools Division Superintendent ng DepEd Quezon upang ipagbigay alam ang hangarin nitong makausap ang lahat ng mga mag-aaral sa kolehiyo at mataas na paaralan ng kanilang nasasakupan.
