ISANG katawan ng hindi pa nakikilalang tao ang natagpuang palutang-lutang sa Manila Bay sa bahagi ng Brgy. Baseco, Port Area sa lungsod ng Maynila kahapon, Enero 1, 2024.
Natagpuan ng isang concerned citizen ang katawan pasado 1:45 ng hapon.
Agad namang nagsagawa ng search and retrieval operations ang Philippine Coast Guard (PCG) matapos matanggap ang ulat.
Batay sa inisyal na report, ang hindi kilalang katawan ng isang lalaki ay tinatayang nasa 45 taon gulang.
Nakasuot ito ng striped na pula at puti na t-shirt at itim na shorts at nakalutang malapit sa isang tugboat.
