ISANG pulis na hindi nagpakilala at hindi nagpakita ng ID, binara ang inspeksiyon ng KOJC sa mga gamit ng PNP.
Lakas loob nitong sinabi na walang court order ang KOJC para inspeksiyunin ang kagamitan ng pulis.
Pinalagan ito ng mga misyonaryo dahil maliban sa may karapatan silang mag-inspeksiyon sapagkat nananatiling private property ang KOJC compound, regular na nagsasagawa ng inspeksiyon ang PNP sa kanilang mga gamit bago makapasok sa kanilang compound.
Sa huli, napagkasunduan na parehong magsasagawa ng inspeksiyon sa mga kagamitan ang KOJC at PNP.
Matatandaang walang search warrant o court order ang PNP para maghalughog at manatili sa naturang compound.
