NAGPULONG ngayong araw sina Department of Migrant Workers (DMW) Secretary Susan Ople at Israeli Ambassador to the Philippines Ilan Flus.
Ito ay upang talakayin ang kondisyon at mga concern ng mga overseas Filipino worker (OFW) sa Israel maging ang iba’t ibang serbisyo at mga oportunidad para sa mga Filipino migrants sa Holy Land.
Isinagawa ang courtesy call ng Israeli Ambassador kay Ople kaninang umaga sa Blas F. Ople Building sa Mandaluyong City.
Batay sa datos ng DMW, mayroong 20,499 OFWs sa Israel kung saan 19,750 dito ay caregivers at household service workers.
