PINARANGALAN bilang best actress ng Asian Academy Creative Awards ng Singapore si Jodi Sta. Maria.
Para ito sa kanyang performance sa drama series na “The Broken Marriage Vow”, isang Filipino adaptation ng British drama series na “Doctor Foster”.
Sa Instagram page ng Dreamscape Entertainment, makikita ang larawan ni Jodi habang bitbit nito ang kanyang trophy.
Sa acceptance speech ng actress, pinasalamatan nito ang kanyang kapwa stars at ang buong production team dahil sila ang naging susi para makilala at maparangalan siya.
