KASUNOD ng opisyal na pagdaong ng Vietnam Coast Guard sa Maynila, agad na kinumpirma ng Philippine Coast Guard (PCG) ang mga aktibidad na gagawin ng dalawang bansa.
Personal na sinalubong ni Coast Guard Admiral Ronnie Gavan ang Vietnam Coast Guard delegation sa apat na araw na pagbisita nito sa bansa.
Sa gitna ng nasabing pagbisita, nakalatag dito ang ilang aktibidad gaya ng vessel tour, courtesy call, at fellowship sports event kasama ang mga tauhan ng PCG
Kasama na ang kauna-unahang maritime exercises sa pagitan ng dalawang maritime agency na gagawin sa bahagi ng katubigan ng Maynila.
Bahagi lamang anila ito ang pagtitibay ng kooperasyon at ugnayan ng dalawang bansa sa usapin ng maritime security.
