NAKATAKDANG magkaroon ng screening sa 54th International Film Festival Rotterdam (IFFR) sa Netherlands ang upcoming horror film na ‘Lilim’ ni Heaven Peralejo.
Mismong ang film director nito na si Mikhail Reid ang nag-anunsiyo sa kaniyang social media pages.
Kung matatandaan, subok na rin si Reid sa suspense/horror genre dahil ito lang naman ang nasa likod ng award-winning film na ‘Deleter’ ni Nadine Lustre.
Samantala, kasama ni Heaven sa ‘Lilim’ sina Eula Valdez, Ryza Cenon, Mon Confiado, at Golc Aceron.
Ang 54th International Film Festival Rotterdam ay gaganapin mula Enero 30 hanggang Pebrero 9, 2025.
