UMAASA si Department of National Defense (DND) Secretary Delfin Lorenzana na magpapatuloy ang Tatag ng Imprastraktura para sa Kapayapaan at Seguridad (TIKAS) convergence program sa susunod na administrasyon.
Ang TIKAS ay programang pinagsanib ng DND at Department of Public Works and Highways (DPWH) para matugunan ang lahat ng mga pangangailangang pasilidad ng iba’t ibang yunit ng Armed Forces of the Philippines sa bansa.
Kamakailan lang ay binisita ni Lorenzana ang bagong inagurahang administration building ng 4th Infantry Division sa Camp Evangelista sa Patag, Cagayan de Oro City.
Kasalukuyan namang itinayo ang isang ospital sa loob ng kampo para sa mga military personnel at ng kanilang mga dependent.
“But I’m more excited about the new hospital being constructed inside the Camp Evangelista in Patag, Cagayan de Oro City. As we all know, our station hospitals and medical facilities in various camps not only serve our soldiers and their dependents but also people in the community, pati mga nasusugatang NPA (New People’s Army),” payahag ni Lorenzana.
Ang mga naturang pasilidad ay ginawa sa ilalim ng TIKAS program ng dalawang ahensiya.
“Hoping that the TIKAS convergence program between the DND-Philippines and DPWH will be continued by the next administration,” ani Lorenzana.
Ang nasabing proyekto ay konsepto ni Pangulong Rodrigo Duterte upang mapabuti ang mga pasilidad ng militar sa bansa.
