BUBUKSAN na ngayong araw, Disyembre 5 ang LRT-1 Roosevelt Station.
Kasunod ito sa naging matagumpay na readiness test nitong araw ng Sabado at Linggo.
Ipatutupad na rin ang bagong train service schedule na mula Baclaran hanggang Roosevelt ngayong Lunes.
Magsisimula ang first trip sa dalawang station ng 4:30 ng umaga at 10:15 ang huling trip sa Roosevelt Station habang 10 pm naman sa Baclaran station mula Lunes hanggang Biyernes.
Mas maaga naman ang huling trip sa weekdays at holidays, 9:30 pm sa Baclaran Station at 9:45 pm sa Roosevelt Station.
Mababatid na isinara ang Roosevelt Station noong buwan ng Setyembre 2020 para bigyang daan ang konstruksiyon ng Common Station Project.
