KASALUKUYAN nang nererepaso ng Land Transportation Franchising and Regulatory Board (LTFRB) ang petisyon para itaas ang minimum fare sa jeepneys sa P15.
Ayon sa LTFRB, kinikilala nila ang mga hamon na kinahaharap ng mga tsuper at jeepney operator dulot ng tumataas na presyo ng gasolina at ang pagtaas ng mga gastusin sa pang-araw-araw na buhay.
Inanunsiyo rin ng LTFRB na magsasagawa sila ng mga public hearings at konsultasyon upang masiguro ang transparency at inclusivity sa proseso ng desisyon hinggil sa petisyon.
