PINARANGALAN ng Routes Asia 2023 Awards, ang Mactan-Cebu International Airport bilang Best Airport in Asia, sa ilalim ng 5 million passenger category.
Nitong Miyerkules, Pebrero 16, binigyang parangal ng Routes Asia 2023 ang Mactan-Cebu International Airport bilang ‘Best Airport in Asia’ under 5 million passenger category, na isinagawa sa Chiang Mai, Thailand.
Ang Mactan-Cebu International Airport ay pangalawa sa may pinakamaraming pasahero sa bansa at ito rin ang nagsisisilbing main gateway sa Visayas Region.
Unang binuksan sa publiko ang nasabing airport noong taong 1966.
Kasabay nito ay nagwagi rin ang Department of Tourism sa destination category award.
Nagpasalamat naman si Department of Tourism Secretary Christina Garcia-Frasco sa iginawad na parangal kung saan kinilala ang pagpupursige at pagsisikap ng ahensya.
“We are immensely delighted and proud of this award for the Philippines recognizing our government’s efforts at transforming our tourism industry through connectivity and convergence,” ani Secretary Christina Garcia-Frasco, DOT.
Ang Routes Asia ay isang prestihiyosong award-giving body na kumikilala sa mga paliparan na nagbibigay ng mas mahusay at de kalidad na serbisyong panghimpapawid.