ISANG magnitude 7.2 na lindol ang yumanig sa bahagi ng Mindanao, Biyernes ng hapon.
Ayon sa Philippine Institute of Volcanology and Seismology (PHIVOLCS), naganap ang malakas na pagyanig kaninang alas 4:14 ng hapon.
Natukoy ng PHIVOLCS ang sentro ng lindol 30 km. timog-kanluran ng Sarangani, Davao Occidental na may lalim na 10 km.
Naramdaman ang instrumental Intensity VIII sa Glan, Sarangani; General Santos City, South Cotabato.
Intensity V – Matanao, Davao del Sur; Maasim, Malapatan, Sarangani; Lake Sebu, Tampakan, Polomolok, Banga, South Cotabato.
Intensity IV – Kidapawan City, Cotabato; Magsaysay, Davao City, Davao del Sur; Don Marcelino, Jose Abad Santos, Davao Occidental; Kiamba, Maitum, Sarangani; Norala, Tantangan, South Cotabato; President Quirino, Lebak, Isulan, Esperanza, Columbio, Kalamansig, Sultan Kudarat.
Dagdag pa ng PHIVOLCS, asahan ang aftershocks at posibleng pinsala ng naturang lindol.
Bagama’t sa bahagi ng karagatan ang sentro ng lindol ay wala namang tsunami alert na inilabas ang PHIVOLCS.
