BINIGYAN ng permanent residency sa Taiwan ang nasa 53 Overseas Filipino Workers (OFWs) ayon sa Manila Economic and Cultural Office (MECO).
Kasunod ito sa kanilang ipinakitang exemplary performance o maayos na pagtatrabaho sa pinapasukang Taiwanese companies.
Partikular na kompanyang nagbigay ng permanent residency sa OFWs ay ang I-Mei Foods Co. Ltd na nakapag-hire na rin ng mahigit 10 libong Pinoy workers sa loob ng 30 taon.
Dahil dito, maaari nang makasama ng OFWs ang kanilang mga pamilya sa Taiwan.
