MAAGANG inilabas ng Manila LGU ang road closure advisory nila sa nalalapit na Undas.
Batay sa official social media post ng LGU, sisimulan nilang isarado ang ilang mga daanan alas dies ng gabi sa October 31 hanggang alas singko ng hapon sa November 2, 2022.
Ang mga daanang isasarado ay ang Dimasalang Road patungong Rizal Avenue; Makiling St. patungong Blumentritt Road; at Cavite St. patungong Pampanga St.
Maging ang A. Bonifacio patungong P. Guevarra St.; Dimasalang Road patungong Blumentritt Extension; at Cavite St. patungong Aurora Boulevard.
Para sa karagdagang impormasyon, bisitahin ang official Twitter account ng Manila LGU.
