LUBOS nang ipinanawagan ng mga Israeli na ibalik na ang mga na-hostage sa gitna ng Gaza War.
Partikular na sigaw ng mga ito, hindi magkakaroon ng katagumpayan o kapayapaan hangga’t hindi maibabalik ang mga nadukot.
Subalit sa kabila nito ay posibleng maaantala ang pagkakaroon ng ceasefire sa Gaza War.
Ito’y dahil magkasunod na nasawi ang dalawang leaders ng Hamas Militant Group ng Palestine at Hezbollah ng Lebanon.
Ayon sa supreme leader ng Iran na si Ayatollah Ali Khamenei, gumagawa ang Israel na mas ikapapahamak ng kanilang buong bansa.
Para kay Israeli Prime Minister Benjamin Netanyahu, kung ano ang kahihinatnan ng kasalukuyang sitwasyon ay nakahanda na anila sila.
Ang Hezbollah ng Lebanon ay suportado ng Iran at nakikisimpatiya sila sa Hamas sa gitna ng nagpapatuloy na Gaza War.
