IKINOKONSIDERA ng Department of Agriculture (DA) na isali ang mga itlog sa mga relief pack na ipinamamahagi ng Department of Social Welfare and Development (DSWD).
Ayon kay Department of Agriculture (DA) Asec. at Spokesperson Arnel de Mesa, paraan ito upang matulungan ang mga producer ng itlog.
Para maitaguyod na rin ang tamang nutrisyon imbis na noodles at canned goods ang ipamahagi.
Ani De Mesa, pag-uusapan nila ito ni Department of Social Welfare and Development (DSWD) Usec. Edu Punay dahil nakatutulong ang hakbang upang matugunan ang malnutrisyon ng mga kabataan sa bansa.
