NAMAMAYAGPAG ang dalawang Pinoy artists matapos napabilang sa most searched songs ngayong taon sa Google.
Sa 10 kanta mula sa iba’t ibang bansa, nasa ika-anim na puwesto ang “Ere” ni JK Labajo habang ika-siyam ang “Pasilyo” ng bandang SunKissed Lola.
Kasama ng dalawang Pinoy songs ang mga kanta tulad ng Idol ng musical duo na Yoasobi; Try That In A Small Town ni Jason Aldean; Bzrp Music Sessions Vol. 53 ni Shakira at Bizarrap; Unholy nina Sam Smith at Kim Petras; at Cupid ng FIFTY FIFTY.
Kabilang din sa listahan ang Kill Bill ni Sza; Rich Men North of Richmond ni Oliver Anthony; at Seven ni Jungkook.
