SA kabila ng mapanganib na pagtawid ng border o hangganan ng Estados Unidos, umaasa ang mga migrante na magkaroon sila ng mas maayos at magandang buhay kung palarin makarating sa Amerika.
Dahil sa pag-aasam ng magandang buhay sa Estados Unidos, patuloy na tumatawid ang mga migrante mula sa Mexico, hindi alintana ang mapanganib na landas at paglalakbay patungo sa bansang Amerika.Madalas na tumatawid ang mga pamilya sa Rio Grande mula sa siyudad ng Mexico ng Piedras Negras patungo sa Eagle Pass, Texas.
Taon-taon, libu-libong migrante ang naghahanap ng mas magandang kinabukasan at at dumaranas ng mapanganib na paglalakbay. May mga pagkakataon na sila ay sinasalubong ng mga opisyal ng Border Patrol at Imigrasyon. Marami sa mga migranteng ito, ay madalas na nakukulong o pinababalik sa kanilang bansang pinagmulan.
Sa panahon ng pagkapangulo ni Donald Trump, sinimulan niya ang isang patakarang asylum na kilala bilang “Manatili sa Mexico,”. Ito ay pinasiyahan ng Korte Suprema ng Estados Unidos na ang administrasyong Biden ay may karapatan na wakasan ito.
Sa nakalipas na mga taon, mas maraming migrante ng Central America ang sumubok na maghanap ng makataong proteksyon sa Estados Unidos at hindi sinubukang umiwas sa paniniktik ng mga opisyales ng US border.
Ang mga tao ay madalas na nagtatangkang tumawid sa border ng Estados Unidos at Mexico na may mga matitinding dahilan katulad ng karahasan at kawalan ng mga trabaho sa kanilang mga bansang pinagmulan.
Habang dumarami ang mga patrol sa sa kahabaan ng border, ang mga migrante ay naghanap ng mga bagong ruta sa paglalakbay, na nagtutulak sa kanila sa mas malayo at mapanlinlang na bahagi ng disyerto.
Kung mahuhuli ng mga ahente ng patrol sa border ang mga migrante, maaaring sila ay makulong o may posibilidad na mapatapon.
Sa pag-aasam na makahanap ng bagong pag-asa, libo-libong mga migrante ang sumusugal sa kanilang mga buhay makatawid lamang mula sa kahirapan ng kanilang bansa.
