TINITIYAK ng executive committee ng National Task Force to End Local Communist Armed Conflict (NTF-ELCAC) na magtutuloy-tuloy ang mga nasimulang programa ng Duterte administration kontra terorismo.
Sa kauna-unahang pagkakataon, nagkaroon ng executive meeting ang NTF-ELCAC na ginanap sa Camp Aguinaldo sa Quezon City.
Muling iginiit ng mga miyembro ng executive committee ang kanilang pagsuporta sa programa ng gobyerno na sugpuin ng insurhensiya ng bansa.
Kabilang na rito ang National Security Council, Philippine National Police, Armed Forces of the Philippines, Department of National Defense at Department of the Interior and Local Government.