TINIYAK ng Bureau of Customs (BOC) na hindi sila tumitigil sa pagsugpo sa korapsyon at sa kampanya nito para tapusin ang smuggling.
Katunayan aniya mula Enero hanggang sa kasalukuyan ay umabot na sa 33 ang isinampang kaso ng Action Team Against Smugglers sa Department of Justice (DOJ) laban sa 33 importers at 11 Customs brokers dahil sa paglabag sa batas sa importation ng agricultural products.
Mula sa 33 kaso, 22 ang sinampahan ng paglabag sa RA No. 10845 (Anti-Agricultural Smuggling of 2016).
Samantala 9 na kaso ang isinampa laban sa 9 na importers at 5 Customs brokers.
