HIGIT 1.4 milyong pasahero na ang dumaan sa Parañaque Integrated Terminal Exchange (PITX) simula Marso 27.
Ito ang kinumpirma ng pamunuan ng PITX na kanilang naitala nitong Abril 10.
Ayon sa PITX, lagpas ito sa kanilang inaasahang bilang ng pasahero na 1.2 milyon bago at matapos ang Semana Santa.
Base sa datos ng PITX, umabot sa 116,556 ang foot traffic o mga pasahero sa terminal nitong Lunes.
