NAGSAGAWA ng humanitarian assistance and disaster response (HADR) operations ang tropa ng gobyerno sa mga naapektuhan ng tropical depression Kabayan sa Mindanao kahapon.
Ito ay sa pangunguna ng mga tauhan ng 67th Infantry “Agila” Battalion.
Nakipag-ugnayan din ang militar sa local government units (LGUs) ng Davao Oriental, Surigao del Sur, at Agusan del Sur upang maghatid ng tulong sa mga apektadong residente.
Pinuri naman ng liderato ng Philippine Army ang 67IB sa maagap na pagtulong sa mga naapektuhan ng bagyo.
