BUMILIB at namangha ang Mutya ng Pilipinas President na si Cory Quirino matapos ang ginawang Miss ROTC 2023 na ginanap sa Cuneta Astrodome sa Pasay City.
Ayon kay Quirino na ang nasabing aktibidad ay magandang source para sa mga beauty pageant organizer na maka-discover ng mga bagong international beauty queen.
Dagdag pa nito na ang mga nanalo at sumali sa Miss ROTC 2023 ay maaaring sumali sa mga beauty pageant sa Pilipinas at handa silang tulungan ang mga ito sa paghubog ng kanilang mga talento.
Matatandaan na ang Miss ROTC ay bahagi ng ROTC Games na binuo ni Sen. Francis Tolentino upang mapukaw ang pagiging makabayan ng mga kabataang Pilipino.
