PATULOY na itinuturing ng World Health Organization (WHO) ang Mpox bilang isang public health emergency of international concern (PHEIC), ang pinakamataas na antas ng alerto sa kalusugan.
Ayon sa WHO, ang Mpox ay nananatiling isang seryosong banta sa kalusugan publiko. Ang PHEIC ay idineklara noong Agosto 14, 2024, kasunod ng mabilis na pagkalat ng isang bagong variant ng Mpox mula sa Democratic Republic of Congo (DRC) patungo sa mga kalapit na bansa. Ang variant na ito, na tinatawag na clade 1b, ay mas mabilis kumalat at may mas mataas na fatality rate kumpara sa naunang strain.
Matapos ang deklarasyon ng WHO, ang Mpox ay kumalat sa higit sa 80 bansa, kabilang na ang mga bansang hindi pa nakakaranas ng outbreak dati. Ang mga bansang ito ay kabilang ang Burundi, Kenya, Rwanda, at Uganda. Sa ngayon, mahigit 20,000 kaso na ang naitala sa buong mundo.
Bilang tugon sa patuloy na banta ng Mpox, ang WHO ay naglunsad ng mga hakbang upang mapabilis ang distribusyon ng mga bakuna at iba pang medikal na suporta sa mga apektadong bansa. Ang mga bakuna ay nakalaan para sa mga high-risk na grupo, kabilang ang mga health workers at mga taong may mataas na exposure sa virus.
