NAGBIGAY-pugay si Philippine Coast Guard (PCG) Commandant, CG Admiral Artemio M. Abu, kay CG Petty Officer Third Class (PO3) Ponciano Nisperos, Jr. na binawian ng buhay sa kasagsagan ng isang search and rescue (SAR) operation sa Tubao, La Union, noong Setyembre 5, 2023.
Ngayong araw, Setyembre 8, 2023, pinuntahan ng komandante ang tahanan ni CG PO3 Nisperos, Jr. upang makiramay sa kaniyang naulilang mga mahal sa buhay.
Kinilala ni CG Admiral Abu ang kabayanihan ni CG PO3 Nisperos at pinasalamatan ang kaniyang pamilya na buong pusong sumuporta sa pangarap nitong maglingkod sa bansa bilang isang Coast Guardian.
