PINAMAGATANG “Bighari” ang mythology-inspired national costume ni Miss Charm Philippines 2023 Annabelle McDonnell.
Sa larawang inilabas nitong February 13 ay makikita na suot ni McDonnell ang full-body piece na puno ng flower designs.
Ang “Bighari” sa mitolohiya ng Pilipinas ay tinaguriang Dyosa ng mga bulaklak.
Gawa naman ang costume na ito ni Axel Que na siya ring nagdisenyo sa national costume nina Miss Universe Philippines 2021 Beatrice Luigi Gomez at Miss World Philippines 2021 Tracy Maureen Perez.
Ang Miss Charm 2023 Coronation Night ay isasagawa sa February 16 sa Ho Chi Minh City, Vietnam.
