Nationwide coverage ng DITO Telecom, umabot na sa 80.65%

Nationwide coverage ng DITO Telecom, umabot na sa 80.65%

KAMAKAILAN ay pumasa ang DITO Telecom sa yearly technical audit ng National Telecommunications Commission (NTC).

Ito na ang ikaapat na taong sunod-sunod na pagpasa ng DITO sa taunang audit ng pamahalaan.

Ayon sa franchise expert na si Atty. Rolex Suplico, mahalaga sa check and balances ng estado ang yearly audit ng mga kompanyang may prangkisa.

“Kasi nag-apply sila eh. It started out with an application to operate a particular service. That is when they applied; They presented certain qualifications with the NTC on the following subject matter: Legal capacity, financial capacity, and technical capacity. So, the NTC is checking whether they are complying with their manifestation, with their commitment in their application,” ayon kay Atty. Rolex Suplico, Franchise Expert.

Sa audit ng NTC, napag-alaman na umabot na sa 80.65% ang nationwide coverage ng DITO.

Tumaas din sa 74.97 mbps sa 4G ang minimum average broadbands speeds ng network at 639.32 mbps para sa 5G.

“Dito, compliant siya ganun ‘yun. Anong purpose? Well, to see to it that their commitment remains the same. That they are complying with their commitment. Number 2, this is to protect the consumers and the public,” dagdag ni Atty. Rolex Suplico.

Ayon naman kay DITO Telecom chief Administrative Officer Adel Tamano, magpapatuloy ang commitment ng network para sa nation-building.

Patuloy na suporta sa Marcos administration para sa digitalization at ilapit pa ang connectivity sa nakararaming Pilipino.

Hindi lamang connectivity kundi world-class na serbisyo para sa lahat.

“Despite all the challenges that we have faced, we continue to achieve our commitments to government and the Filipino people, to provide affordable world-class service and to serve the undeserved. This is in support of the Marcos administration’s drive towards digitalization and nation-building,” ayon kay Atty. Adel Tamano, Chief Administrative Officer, DITO Telecom.

Para din kay DITO chief Technology Officer, Retired Major General Rodolfo Santiago, malayo na ang naabot ng network buhat nang magsimula ang kanilang operasyon noong 2019 at magpapatuloy ang kanilang commitment sa Filipino consumers.

“This is wonderful news and a testament to how far the network of DITO has grown since we started building our first tower in 2019,” ayon kay Ret. Maj. Gen. Rodolfo Santiago, DITO Chief Technology Officer.

Matatandaan na inaprubahan ng Duterte administration ang DITO para mabuwag ang duopoly sa mga naunang telco sa Pilipinas.

Dahil sa 3rd telco, mas sumigla ang kompetisyon sa telco industry at nabibigyan ng opsiyon ang Filipino consumers para sa mura at dekalidad na telco provider.

 

Follow SMNI NEWS on Twitter

Follow SMNI NEWS on Rumble