SUMAGOT na ang film producer na si Neil Arce patungkol sa sinabi nitong “fake news” na kumakalat patungkol sa estado ng kasal nito sa screen superstar na si Angel Locsin.
Sa isang pahayag sinabi ni Arce, matulungin siya pati ang kanyang asawang si Angel at donasyon na lamang nila para sa mga fake news peddler ang kikitain nito mula sa pagpapakalat ng mga maling tsimis patungkol sa kanila.
Ang pahayag na ito ni Arce ay sa kalagitnaan ng mga kumakalat na balita mula sa mga YouTube videos na hiwalay na siya pati ang kanyang asawang si Locsin.
May ilang videos pa ang nagsasabi na ang hiwalayan ng dalawa ang rason kung bakit hindi aktibo sa pagpo-post online ang aktres.
Hindi pa naman naglalabas ng sarili niyang pahayag ang aktres patungkol sa nasabing isyu.
