LUBOS na pinasalamatan ng dating child star na si Niño Muhlach ang kaniyang ama na si Alexander Muhlach dahil ito aniya ang susi kung bakit “financially stable” siya sa kasalukuyan.
Salaysay ni Niño, nanguna ang kaniyang ama sa pag-invest sa kaniyang mga kita noong siya ay child actor pa lang kung kaya’t nagresulta ito ng pagkakaroon niya ng sariling building ngayon at isang bakeshop na nagbebenta ng sikat na Muhlach Ensaymada.
Palagi ring ipinapaalala ng kaniyang ama na hindi panghabambuhay ang kasikatan at dapat marunong ding maging mapagkumbaba at maghanda para sa kinabukasan.
Sa larangan ng show business, malapit nang ipagdiwang ni Niño ang kaniyang ika-50 anniversary dito.
