TUMANGGAP ng “unmodified opinion” ang Office of the Vice President mula sa Commission on Audit sa kanilang 2023 Financial Statements.
Iyan ay sa kabila ng mga ipinupukol na isyu ng korupsyon ng mga kongresista laban sa tanggapan ni Vice President Sara Duterte.
Sa report ng COA, ang mga financial statement ng OVP anila ay maayos na nagpapakita ng financial position ng nasabing tanggapan.
Kabilang na rin dito ay ang financial performance ng OVP, statement of cash flows, statement of changes in net assets/equity, statement of comparison ng budget at aktwal na mga halaga para sa taong nagtapos, at kabilang ang buod ng mahahalagang accounting policies alinsunod sa international public sector accounting standards.
‘’In our opinion, the accompanying financial statements present fairly, in all material respects, the financial position of the OVP as of 31 December 2023 and its financial performance, statement of cash flows, statement of changes in net assets/equity, statement of comparison of budget and actual amounts for the year then ended, and notes to the financial statements, including a summary of significant accounting policies in accordance with International Public Sector Accounting Standards,’’ Commission on Audit said.
Ibinibigay ng COA ang unmodified opinion kapag ang mga financial statement ay inihanda nang maayos at naaayon sa mga pamantayan ng financial reporting framework.