INANUNSIYO ng Light Rail Manila Corporation ang bagong schedule ng biyahe para sa tren sa LRT-1.
Epektibo simula ngayong araw, Marso 26, 2025, ay palalawigin na ang oras ng operasyon ng LRT-1 tuwing weekdays.
Ang huling biyahe mula Dr. Santos Station ay aalis ng 10:30PM kumpara sa noo’y 10:00PM. Ang huling biyahe mula Fernando Poe Jr. Station ay aalis na ng 10:45PM o mas mahaba na rin mula sa dating 10:15PM.
Wala namang pagbabago sa unang biyahe mula sa Dr. Santos at Fernando Poe Jr. Stations. Ibig sabihin, aalis pa rin ito ng 4:30AM sa weekdays at 5:00AM sa weekends at holidays.
Ang hakbang ay bilang suporta sa panawagan ng Department of Transportation na pahabain ang serbisyo para sa kapakinabangan ng publiko.
Follow SMNI News on Rumble
