INALIS na sa puwesto bilang director ng PNP Drug Enforcement Group (PDEG) si Police Brigadier General Narciso Domingo.
Sa reassignment order na pirmado ni Directorate for Personnel and Records Management (DPRM) Director Police Major General Robert Rodriguez, inilagay si Domingo sa tanggapan ni PNP chief Police General Rodolfo Azurin, Jr.
Pinalitan si Domingo ni Police Brigadier General Faro Antonio Olaguera mula sa PNP Logistics Service.
Si Domingo ay isa sa mga opisyal na pinangalanan ni Interior Secretary Benjamin “Benhur” Abalos, Jr. sa umano’y cover-up sa P6.7-B halaga ng shabu sa Maynila noong Oktubre 2022.
Una nang naghain si Domingo ng leave of absence bilang pagtalima sa kautusan ni Abalos.
