Ospital ng Tondo, sasailalim sa sampung araw na lockdown

Ospital ng Tondo, sasailalim sa sampung araw na lockdown

IPINAG-utos na ng Manila City Government na sampung araw munang pansamantalang isasara o i-lockdown ang Ospital ng Tondo.

Ito ang kinumpirma ni Manila City Mayor Isko Moreno Domagoso matapos magpositibo sa COVID-19  ang 32 health workers sa nasabing ospital.

Ayon kay Mayor Isko, pinayagan niya ang kahilingan ng Ospital ng Tondo na pansamantala muna itong i-lockdown  ng sampung araw para sa sanitation activities at upang makapag-relax at makapagpahinga  na rin ang mga doktor at nurse.

Samantala ayon pa kay Isko, ang mga dati nang naka-confined sa Ospital ng Tondo kabilang na ang COVID-19 patients ay patuloy pa ring aasistehan ng mga hospital staff.

At habang sarado pa ang naturang ospital ang mga kritikal o emergency situation lamang ang tatanggapin sa ospital at ang ibang pasyente ay ire-refer na lamang sa iba pang limang hospital ng Manila LGU.

SMNI NEWS

Leave a Reply

Your email address will not be published.