NASAMSAM ng Bureau of Customs (BOC) at Armed Forces of the Philippines (AFP) ang iba’t ibang smuggled products sa isang warehouse sa Valenzuela City noong Hulyo 13.
Ininspeksyon ng implementing team ang nasabing warehouse na nakitaan ng mga Imported Intellectual Property Rights Infringing Goods na may brand na Christian Dior, Gucci, Michael Kors, Coach, Guess, Nike, Adidas, Hello Kitty, at Jordan at mga sabon na may brand na Cetaphil, Safeguard, Nivea, Johnsons Liquid Soap, at iba pa.
Natagpuan din sa lugar ang mga imported na construction materials, housewares, kitchenware, household appliances, at consumer electronics lighting products.
Nadiskubre din sa loob ng warehouse ang isang hidden storage facility ng raw materials ng mga sigarilyo gaya ng tobacco filler at filter rod.
Tinatayang nagkakahalaga ng 1.5 bilyong piso ang mga nadiskubreng produkto.
Pansamantala namang kinandado at sinelyuhan ng implementing team ang entrance at exit gates ng warehouse.
