IGINIIT ni Surigao del Sur Rep. Johnny Pimentel na nasa P12.4-B ang budget ng gobyerno ngayong taon para sa Right of Way (ROW) payments.
At para daw ito sa mga railway project ng pamahalaan.
Ayon kay Pimentel na miyembro ng House Committee on Flagship Programs and Projects, ang pondo ay naka-itemized sa 2023 General Appropriations Act (GAA).
“The ROW payments are in accordance with Article III, Section 9 of the Constitution, which forbids the government from taking private property for public use without just compensation,” saad ng mambabatas.
Malaking bulto ng ROW payments ay ipambabayad sa land owners na apektado ng 148-kilometer North-South Commuter Railway; 33-kilometer Metro Manila Subway; 11-kilometer LRT Line 1 Cavite Extension at ang 175-hectare New Zamboanga International Airport project.
Batid naman ng Kongreso na matagal pa bago matapos ang mga nabanggit na proyekto subalit ang mga ito ay nakakalikha ng maraming trabaho sa mga Pilipino.