ARESTADO ng awtoridad ang isang suspected drug pusher sa Albay at nasakote ang 680,000 pisong halaga ng crystal meth o shabu sa isang buy-bust operation sa lungsod.
Sinabi ni Albay Police spokesperson Lieutenant Kharren Formales na natiklo ang suspek na si Precy Belir Butaslac na mula Marikina City na nagbebenta ng shabu sa isang undercover agent.
Dagdag ni Formales, narekober mula sa suspek ang nasa 100 gramo ng shabu at pera.
Sa ngayon ay nasa kustodiya na ang suspek ng polisya ng Albay at nahaharap ito sa kasong paglabag sa Comprehensive Dangerous Drugs Act of 2002.
