GUGUNITAIN ng Parañaque City ang kanilang 25th anniversary sa darating na Pebrero 13, 2023.
Maglulunsad ang lungsod ng iba’t ibang programa at proyekto para sa mga residente ng lungsod sa pangunguna ni Mayor Eric Olivarez.
Ilan sa mga handog na programa ay Gandang Mamita at Gwapitong Papito 2023, isang beauty and talent pageant para sa senior citizens, Ginoo at Binibining Parañaque 2023 Pageant para sa mga kabataan, Sunduan Dolls Contest and Exhibit at Sunduan Dress Fashion Show.
Itatampok din ang mga pagkaing likas sa lungsod at ang komedya para sa taglay na kultura. Parañaque City
Isasagawa rin sa lungsod ang 2 linggong selebrasyon ng academic quiz bee, coop tiangge, mega job fair, kasalang bayan, at blessing ng ospital ng Parañaque 2.
Bukod dito, paparangalan din ang mga outstanding taxpayers at mga natatanging Parañaqueño na kinilala dahil sa angkin nilang husay at pagkatao.
