AYON kay Atty. Israelito Torreon, legal counsel ng Kingdom of Jesus Christ (KOJC), naawa si Pastor Apollo C. Quiboloy sa mga miyembro at misyonaryo kaya sumuko ito sa kabila ng legal remedies.
“Naawa na talaga siya sa kanyang mga followers and members. Ayaw na niyang maglala pa ang sitwasyon.”
“So, maski na may tsansa sana na ma-grant ‘yung aming mga remedies-baka pagbigyan kami ng Court of Appeals, ‘yung certiorari namin, ma-nullify ‘yung warrant of arrest at saka information-hindi na niya hinintay ‘yun. Nag-surrender na siya para harapin ang mga kaso na na-file sa kanya ng isang tao lamang,” ayon kay Atty. Israelito Torreon, Legal Counsel, KOJC.
