MAKASAYSAYAN para kay Pastor Apollo C. Quiboloy ng The Kingdom of Jesus Christ ang pagbisita ni Pangulong Rodrigo Roa Duterte sa kanya nitong Marso 11.
Kung babalikan ayon kay Pastor Apollo, sa KJC Compound unang isinagawa ni Pangulong Duterte ang kanyang pangangampanya noong 2016 at ngayong patapos na ang termino nito, muli rin syang bumisita sa nasabing lugar.
Samantala, sa isang interview, hinikayat ni Pangulong Duterte ang publiko na iboto ngayong halalan ang pinakamagaling at kwalipikadong opisyal matapos ibinahagi nito ang mga katangian na dapat makita sa mga kumakandidato sa pagkapangulo.
Sinigundahan naman ni Pastor Apollo ang mga sinabi ni Pangulong Duterte hinggil dito.
Inihayag pa ni Pastor Apollo na ang hindi matatawarang pagmamahal ni Pangulong Duterte sa bansa at taumbayan ang nakita ng Makapangyarihang Ama sa kanya kung bakit iniluklok ito sa pwesto.
Pinasalamatan naman ni Pangulong Duterte si Pastor Apollo at ang buong membership ng The Kingdom of Jesus Christ sa walang-sawang pagsuporta sa kanya mula pa noong nagsisimula pa lamang ang kanilang pagkakaibigan ni Pastor Apollo hanggang ngayon.
