NATANGGAP na nina Pangulong Ferdinand “Bongbong” Marcos, Jr. at presidential son Congressman Sandro Marcos ang kanilang COVID-19 second booster shot ngayong araw.
Kasabay ito ng dinaluhang PinasLakas campaign event sa SM City Maynila.
Ang brand ng bakunang itinurok sa mag-amang Marcos ay Pfizer vaccine.
Ang pakikiisa nina PBBM at Cong. Sandro sa booster vaccination ay bilang pagpapakita ng kahalagahan ng booster doses sa mamamayang Pilipino.
Samantala nasa naturang kaganapan din si DOH OIC Dr. Maria Rosario Vergeire at ilan pang opisyal ng ahensya.
Kasama rin sa event sina Presidential Management Staff Sec. Zenaida Angping, DILG Sec. Benhur Abalos, Manila Mayor Honey Lacuna-Pangan, at mga opisyal ng SM Supermalls.
