INILUNSAD ng Philippine Drug Enforcement Agency (PDEA) ang unang araw ng pagsasanay para sa mga driver at security officers ng kanilang ahensiya, nitong Abril 26, 2024.
Tinaguriang “Special Protective Driving Training”, ang tatlong araw na kurso na naglalayong patibayin ang pundasyon, kaalaman, at kasanayan ng mga driver at security officers para sa proteksiyon habang nagmamaneho ng mga high-profile na personalidad sa natatanging konteksto ng operasyon ng PDEA.
Bilang pagkilala sa kritikal na katangian ng kanilang mga tungkulin, ang mga kalahok ay nagsagawa ng espesyal na diskarte upang matiyak ang ligtas na transportasyon ng mga pasahero at stakeholder sa gitna ng mga mapaghamong kapaligiran.
Malugod namang tinanggap ni Asec. Israel Ephraim Dickson, PDEA Deputy Director General for Administration, ang mga kalahok na binubuo ng driver at security personnel.
Ang mga opisyal mula sa Philippine National Police (PNP) Police Security and Protection Group (PSPG) ay nagsilbing subject matter expert sa panahon ng pagsasanay.
