People’s defiance vs. PBBM administration, ibinabala ng isang dating taga-PMA

People’s defiance vs. PBBM administration, ibinabala ng isang dating taga-PMA

ISANG manifesto of support ang pinirmahan ng mga retiradong heneral ng Armed Forces of the Philippines (AFP) at Philippine National Police (PNP) na produkto ng Philippine Military Academy (PMA).

Nilalaman ng manifesto ang matinding pagsuporta sa SMNI anchors na sina Jeffrey ‘Ka Eric’ Celiz at Dra. Lorraine Badoy.

Ang dalawa ay parte ng programang Laban Kasama ang Bayan na inilaan ng SMNI para sa information campaign kontra CPP-NPA-NDF.

Lumabas ang manifesto matapos makulong sina Celiz at Badoy sa Kamara matapos ipa-contempt ng House Committee on Legislative Franchises.

Si Celiz, tinanong lang kung totoong umabot sa P1.8-B ang travel funds ng tanggapan ni Speaker Martin Romualdez.

Habang si Badoy, inusisa sa isyu ng commercial revenues ng TV program.

Para sa retired army captain at scout ranger na si Dado Enrique, paglapastangan sa karapatang pantao ang ginawa sa dalawa.

Dahilan kung bakit isa siya sa pumirma sa manifesto of support.

“Serious ‘yun, hindi biro-biro yun. Para doon sa mga kinauukulan, hindi dapat i-set aside lang ‘yun. Hindi, serious ‘yun. When a group of PMAer and in fact kahit sino nga eh, affixed their signatures over something, ang training naming kasi kapag ipinirma ‘yung pangalan mo, hindi pwedeng basta-basta ano lang ‘yun… Joke-joke no,” pahayag ni Capt. Clemente ‘Dado’ Enrique (retired), Baron, PMA Class ’83.

Diin pa ni Enrique sa panayam sa SMNI na kung hindi pinakawalan sina Badoy at Celiz, tiyak marami pang dating heneral na pipirma sa manifesto.

Katunayan, umuugong aniya ngayon ang mga panawagan ng military junta.

Dahil sa mga nakikitang kamalian sa pamamahala sa gobyerno.

Umaasa naman si Enrique na hindi ito mangyayari sa Marcos Jr. administration.

“Noong 86 Revolution, ayaw namin, ayaw ng mga senior namin na magkaroon ng junta, no? Delikado ‘yun. There are many people now encouraging a junta, a military junta. Encouraging the military to take over na magkaroon tayo ng junta. Sawang-sawa na, ‘yun ang punto run! Isu-suppress mo ‘yung tao! Ah gusto niyo ng junta?” dagdag ni Enrique.

Ibinabala naman ni Enrique ang posibilidad na magkaroon ng people’s defiance sa kasalukuyang administrasyon.

Lalo na kung hahayaan ang International Criminal Court na ipaaresto si dating Pangulong Rodrigo Roa Duterte.

“Si Digong, pagka-yan ginalaw si Digong, good luck sa administration. Pagka si Sara ginalaw, good luck administration. I’m serious about it. This is a warning, a very-very stern sa government. Pagka-ginalaw yung SMNI, good luck kayong lahat! Because mafo-force ‘yung tao na kumilos and that is a warning para kayo i-save ninyo sarili ninyo administration,” diin ni Enrique.

At sana aniya ay hindi ito isipin na banta ng Marcos Jr. administration.

Kundi hanapin at solusyunan ang mga nasilip na pagkukulang at ayusin ito sa lalong madaling panahon.

“Ako, ki-kwestyunin nyong destabilizer? Hindi ganoon ‘yung sagot. Dapat ang sagot, ano ang problema? Ano ang kasalanan namin? And then you communicate with the people, the people who voted you! People who gave you the power! You start serving the people kung kinu-question kayo ng tao. Teka muna!”  aniya.

 

Follow SMNI NEWS in Twitter

Follow SMNI News on Rumble