NAKALABAS na si Pharmally Pharmaceutical Corporation Executive Twinkle Dargani sa Senate detention.
Ayon kay Senate Sergeant-at-Arms Rene Samonte, alas 12:15 kaninang madaling araw ng palayin si Dargani.
Kagabi nang aprubahan ng Senado ang release order ni Dargani dahil sa humanitarian considerations matapos itong magpositibo sa COVID-19 at mayroon din itong mental health condition.
Sa larawan mula sa tanggapan ni Senate President Vicente Sotto III, makikita na sumailalim sa basic medical check up si Dargani bago palayain sa Senate detention.
Sinundo naman ito ng kanyang ina na si Deepa sa Senate premises.
Matatandaang ipinakulong ng Senado si Dargani at kanyang kapatid na si Mohit dahil sa hindi pagsusumite ng financial documents ng Pharmally.
