MAAGANG Pamasko ang handog ng Department of Transportation (DOTr) sa mga komyuter ng tren.
Ito’y dahil bubuksan na ngayong buwan ang Phase 1 ng Light Rail Transit 1 (LRT-1) Cavite extension, ayon kay DOTr Secretary Jaime Bautista.
“We are here to announce the partial opening of the Light Rail Transit Line 1 Extension — this is the Cavite Extension. We will open this line within the next maybe two to three weeks, this is within November,” saad ni Sec. Jaime Bautista, DOTr.
Dagdag ng kalihim, ang Cavite Extension ang kauna unahang railway project na matatapos sa ilalim ng kasalukuyang administrasyon.
Nabuo ang proyekto sa pamamagitan ng Public-Private Partnership.
Ang phase 1 ng naturang railway project ay magkokonekta sa Baclaran Station sa Pasay City patungo sa Dr. Santos Station sa Parañaque City.
Inaasahang mababawasan nito ang oras ng biyahe ng 30 minuto.
Nasa karagdagang 80,000 na mga pasahero ang masisilbihan kada araw ng proyektong LRT-1 Cavite Extension.
“We hope that this opening of the extension of Line 1 will help alleviate traffic as it will be able to support thousands of passengers, additional passengers taking LRT Line 1. And this will be our early Christmas gift to the residents of the area,” ani Bautista.
Inilahad naman ni Light Rail Manila Corp. (LRMC) General Manager Enrico Benipayo na sakop ng Phase 1 ang limang bagong istasyon.
“We are also very much excited to open the line. Again within this month, surely within the month of November we will be able to serve an extended area of the metropolis. Five additional stations, six kilometers, and this will allow people to traverse the alignment within a span of less than an hour,” ayon kay Enrico Benipayo, General Manager, Light Rail Manila Corp.
Ipinahayag pa ng LRMC na ang kabuuang alignment ng LRT 1 ay palalawigin mula 20 kilometro hanggang 26 kilometro para sa Phase 1 ng Cavite Extension.
