ISASAGAWA ngayong Mayo 11-14 ang Phil. Building and Construction Exposition (PHILBEX) 2023 sa SMX Convention Center sa Davao City.
Ito ay may layong makapaghatid ng innovation at mga bagong ideya sa industriya ng local building, design at iba pa.
Ngayong nabawasan na ang mga restriksiyon na dulot ng pandemya, muli namang nagbubukas ang mga oportunidad para sa pagpapaunlad at mga ideya sa iba’t ibang industriya at ito nga ang dala ng: PHILBEX 2023 ngayong taon sa Davao City.
Ito ay matapos ang ginanap na matagumpay na WORLDBEX sa Manila, ngayon ay layon naman ng PHILBEX na dalhin sa Mindanao ang mga abot-kamay na produkto at serbisyo.
Iniimbitahan naman ng PHILBEX ang mga Dabawenyo maging ang mga karatig na rehiyon na suportahan at lumahok sa naturang pagtitipon.
