INILUNSAD ng Philippine Postal Corp. ang National Philatelic Exhibition (NAPEX) 2025 bilang bahagi ng selebrasyon ng kanilang 33th corporate anniversary.
Ang NAPEX ay isang tatlong-araw na aktibidad na nagsimula noong Miyerkules, Abril 23, 2025 sa Lucky Chinatown Mall, Level 1 Atrium sa Binondo, Maynila.
Ilan sa ipinapakita rito ang commemorative stamps para sa mga Filipino medalist ng 2024 Paris Olympics gaya nina Carlos Yulo, Nesthy Petecio at Aira Villegas.
Bilang pagdiriwang naman ng cultural heritage ng bansa, naglabas ang PHLPost ng special stamps at souvenir sheets kung saan featured ang Philippine festivals.
Halimbawa rito ang Kadayawan Festival ng Davao City; Panagbenga Festival ng Baguio City; Singkaban Festival ng Bulacan; at Sinulog Festival ng Cebu City.
