NASUNGKIT muli ng Pilipinas ang titulong “Asia’s Leading Dive Destination” ng World Travel Awards Asia and Oceania Gala Ceremony 2023.
Ikalimang sunod-sunod na beses itong nasungkit ng Pilipinas kung kaya para kay Tourism Sec. Christina Frasco, isa lang itong patunay sa hindi mapapantayang kagandahan ng Pilipinas.
Ang citation ay batay sa public voting at approval mula sa tourism experts panel ng organization.
Maliban sa naturang titulo ay kinilala rin ang Discovery Shores Boracay bilang Philippines’ Leading Beach Resort 2023; Philippines’ Leading Destination Management Company 2023 naman ang Travelite Travel and Tours Company; habang Philippines’ Leading Hotel Group 2023 ang Seda Hotels.
