NAGPADALA na ng note verbale ang Pilipinas sa China nitong, Nobyembre 23, 2022.
Ito ang inihayag ni Department of Foreign Affairs (DFA) Secretary Enrique Manalo kasunod ng sapilitang pagkuha umano ng China Coast Guard sa unidentified floating object na nakuha ng Philippine Navy sa Pag-asa Island.
Sa isang panayam, sinabi ni Manalo na nakadepende sa official reply ng China ang kanilang magiging aksyon sa insidente.
Hihingi rin aniya sila ng face-to-face meetings kung ang reply ay kinakailangan ng paglilinaw.
Sinabi ni Manalo na nakabase ang note verbale sa official report mula sa Philippine Navy.
