PORMAL nang itinalaga si Police Major General Benjamin Acorda Jr. bilang ika-29 na hepe ng Philippine National Police (PNP).
Batay ito sa General Order na pirmado ni Police Major General Robert Rodriguez, director ng Personnel and Records Management.
Pinalitan ni Acorda si PNP chief Police General Rodolfo Azurin, Jr. na magreretiro sa serbisyo ngayong araw matapos maabot ang mandatory retirement age na 56.
Si Acorda ay miyembro ng Philippine Military Academy (PMA) Sambisig Class of 1991.
Bago maitalaga sa puwesto, si Acorda ay nanungkulan bilang Intelligence Director ng PNP.
Nagsilbi rin si Acorda bilang Regional Director ng Police Regional Office (PRO) 10, Director ng PNP Integrity Monitoring and Enforcement Group (IMEG) at iba pang posisyon sa pulisya.
Si Acorda ay magsisilbing hepe ng PNP sa loob ng 8 buwan hanggang sa magretiro sa Disyembre 2023.
